لو توصف ابقلبي الغلا كفة حروف
لكتب لك احلى وصف واحلى قصيده
بس المخافه اظلمك قمة الخوف
الشوق يجرفني وينفك قيده
بين القوافي والهوى طال لوقوف
حاولت اطوعها ولكن عنيده
عيت تترجم شي في داخل الجوف
ما هو بعاشق انما سيد سيده
قالت صعيبٍ اكتبه ما هو بالشوف
وان قلت بسطرها تغاوت بعيده
القلب يهوى بس في البوح موقوف
مهما سطر تبقى الحكاوي زهيده
ناظر غرامي يلفظك بين لشفوف
يمكن يوصل لك بعض ما اريده
حلمٍ ملكني والحكي يعلن اعزوف
فيض المحبة جالعني بليده
يعني اختصار القول عاطف ومعطوف
عاطف كياني يالله انك تزيده
واعطف على قلبه تلافيف من صوف
وان ما كفا قلبي يلفه بإيده
مقدر تعبت آقول ذا الشوق ملهوف
الدم بعروقه وساكن وريده
افهم غرامك شلني واصعب اظروف
مرت على قلبي بحله جديده
يالله تلم الي تشتت على شفوف
ظلت تعاني من ظروفٍ شديده
تحوي كلامٍ يحمل اشواق وهتوف
ماودي تالي العمر ابقى وحيده