قالت هو الشعر يعني هالجمل والسطور
ولاّ الوزن والقوافي واختلاف البحور
قلت الله الله يا نورٍ مايباهيه نور
الشعر ياخذ من عيونك معان السرور
لك حق ياخذك تيار الدلع والغرور
الشعر عشب المشاعر وانبثاق الشعور
الشعر خيطٍ يبشر بالصباح الطيور
الشعر طيفٍ مسافر في خيال العصور
الشعر له في قضايا مجتمعنا حضور
يامن عليها براكين الضماير تثور
ماهوب عذروب لو تخفاك بعض الأمور
يا زهرة الياسمين، فداك كل الزهور
ليا شفتك أعيش في دنياي جو الحبور
أعبر معي وأعطني وأعطيك سر العبور
سيطر على القلب واصنع من ضلوعي جسور
ووفاك وإخلاصك وصدقك جواز المرور
بنيت فالقلب قصرٍ فاق كل القصور
الفرق بينك وبين مهيضات الصدور
ياللي تقول العباد عيال تسعة شهور
تبور بعض المعادن والذهب ما يبور