اواه ليت اواه تشفي جروحي
وأواه ليت أواه لقلتها ارتحت
جار الزمان اللي بمده شحوحي
واشتد جوره واطغيانه وبيحت
من خلقتي والحظ ضدٍ لروحي
افرح بوقفاته ويفرح ليا طحت
كسر مجاديفي وحطم طموحي
واحرق خفائه بالعناء لين صرحت
تكبرت ناس وأنا اشوف واوحي
عشان روس أموال وأموالهم سحت
وناس تدور فالشموخ القروحي
تفرح بزلاتك وتسكت لرجحتك
لا تسألوني ليه ماني مزوحي
ولا تكثرون اللوم وإن كاني شحت
عمرت في بيد الهقاوي صروحي
وخليتها يجوي بها الريح ثم رحت