صوتك رحل بي بس مدري على وين
ارجوك لا طال السفر رجعيني
وصلت لكن ما عرفت العناوين
تائه وانادي بغربتي دوريني
انا وصلت لأرض تنبت مجانين
ترى اسمها عشق السهر صدقيني
جاني اثير الليل من بعد ثنتين
يغزل تفاصيل الهيام بكنيني
يا بنت لو ربي خلقني بقلبين
أعشقك بالاثنين بس أفهميني
وان كان حدك فالشعر بس بيتين
هاك القصيد وصفقي واربكيني
لكن لو تشكي لي العين يا العين
ما قول من شوق الوصال اكحليني
رجال ماني من رجال شويين
حتى لو انك ناويه تهجريني
يكفي أهز الجذع وأطيح التين
وان رحت رحت وعارف بتذكريني
هاك الغلاء غصن نبت بين شخصين
اسقيه لين يطول كأنك تبيني
والا دعيه يموت ويبكّي الطين
واسامحك وأنتي بعد سامحيني