أربع وعشرين ساعة يا عيون النهار
تكفين يا عيني الراحة وش أخبارها
أخترت لك فالصحاري يا الحزينة مسار
واعتمرت رموشك وطافت على أحجارها
لكن وضعك غريب ودمعك الملح حار
وأنا أحسب أن البراري يغري أزهارها
معقولة الأنس ما جابة نسيم القفار
الروح راحت تفاعل معك باسرارها
طلعت عن وجهة آلامي الين المدار
لكن لحقتني همومي من ديارها
يا عين ها الشايب اللي من كبار الكبار
مات ورحل عاشق الأمجاد وإكبارها
في ذمتي ما يعوض في مكانه صغار
مكانه أكبر من اللي تشبه اصغارها
يا عمي اللي ملافي ربع وريف جار
الموت ليته نصيب اعداك فا عمارها
عطيتني من ثمر دنياك كل الثمار
طولتني يا الطويل وخابت اقصارها
أيديك ياما استرت أهل اليدين القصار
ودلتك يرحل نسيم الصبح ببهارها
وقافتك اللي مثل هدت طيور الحرار
تشفي صديقك وتردع كيد مكّارها
يا عم ليت البشر تملك فالأمر الخيار
كان البدائل بنفسي تؤذي أفكارها
عز الله بموت عمي حلّ فينا الدمار
وإن المراجل عقب موتك رحل كارها