أدمت القلب عينك يا طري القوام
حسبي الله على عينك هدبها حديد
كنت أظنك بعدها تبتدئ بالسلام
واثر نيتك تذبحني مثل ما تريد
عينك اللي تحدى فالسواد اللثام
عقب ما صار شاطئ للجمال الفريد
كيف ابقدر اسلسل في مداها الكلام
وأبجدية عيونك عن لغتنا تزيد
الحلال ونقرّه والحرام الحرام
وما تشابه من الاثنين شيء جديد
ليتني شفت عينك يوم كنت الغلام
لبغى الصيد عز الله يقول ويصيد
ما تركتي بقلبي غير كبر الزمام
جرحٍ ينز مسك ولا ينز الصديد
ولا على قلبي الموجوع أية ملام
الملام الحقيقي ما يشب القصيد
سولفي بي على معشر ذوات الجهام
لين تصدح بشعري عاشقات الجريد
وعلميه النخب خلّي ظنون العوام
وأضربي في بيوته كل شيء عنيد