رف الخفوق اللي شكا بعد الاحباب
من بعد ماقفت ركاب الحبايب
قام ايتقلب داخل الصدر منصاب
وده يفر وقاضبته القضايب
والله يالولى ضلوع صدري له حجاب
ان كان شلع مع هبوب الهبايب
يازين لاترحل به حساب وعقاب
ارحم ترا قلبي جروحه عطايب
مايحتمل فرقى وليفه اليا غاب
وشلون تترك نار قلبي لهايب
هيبتني ومن اول الوقت ماهاب
ياكيف صارت ياعجيب العجايب
جلست احسب جيتك وافتح الباب
واقول يمكن يرجع الوقت غايب
واقوم وقعد دون حاجات وسباب
واشوف كل اللي بنيته خرايب
الارض من دونك ترا حفنة اتراب
وفي جيتك عندي تزول المصايب
لك في خفوقي ياهوى البال ترحاب
ارجع حبيبي لاتزيد العتايب