رح وابتعد وابعد وانا بنتظارك
لابد ماترجع اليا خاب مسعاك
تبعد وتلقى مايشوقك لدارك
حيث ان دارك بالمحبه تلقّاك
لاشفت درب اللي مغير مسارك
ولاقست فكرك بين هذا وهذاك
تبين لك لاوقعت في مطارك
هذي هديت ورد ولا وش اهداك
ويبين لك وش كان قصّر جدارك
وتجني حصاد ايديك من زرع الاشواك
غيرت دربك وانحرف بك مدارك
تمشي على شوره ولو كان دهواك
عش واقعك لايصير هذا شعارك
ماتشوف تفكيرك على وين وداك
تماكنه مادام للحمل بارك
قبل يفوت الفوت وتقول ممداك
انا انتظرتك في حياتي اتشارك
ولازلت انا في موقفي واتحراك
عطيتك الفرصه وعندك قرارك
ياطعتني ولا حصيلك وماجاك