راحت سنين العمر ياصاحبي فيك
وانا انتظرك ولا حصلي منايه
اسايرك فيما تقوله واداريك
واكّذب اعيوني واحسك معايه
ياكم وكملي في منامي وانا اطريك
ورفعتلك سبعه وسبعين رايه
واشاهدك كنه سرابك يغطيك
اطرد ورا طيف السراب ابضمايه
ماتسمع الصوت المنادي يناديك
يوم الندا يملا الفضاء في سمايه
تسمع ولكن كبرك الطيش معميك
صار الفكر تحت الغطى والعبايه
احرجتني واحرقت قلبي وانا ارضيك
وصار الهجر عندك وسيله وغايه
اليوم سلم واستلم كل ماضيك
الصبر عندي له احدود اونهايه
ماعاد لي قلبٍ يحبك ويرجيك
يوم اتضح حبك الشخصي دعايه
رح في طريقك لاتجيني ولاجيك
ونسى وانا بنسى فصول الحكايه