اشوف عداد التنازل بنا عد
مد النظر يالادمي فيه مده
احذر ثم احذر لاتهاون ولاتصد
مادمت في وقت الرخى وانت قده
الاخره فيها ترا احساب مشتد
زهب زهابك بالرخى لوقت شده
لاتاخذ الدنيا على ماخذ الجد
يم الزوال اوعيشها لاتعده
طريقها ماهو طويلٍ وله حد
لابد ماياقف بك الوقت حده
كنّه مكانٍ تستظل فيه وتشّد
وارج المكان اللي لنفسك توده
اللي مع الدنياء خرابٍ وينهد
واللي مع الله عامرٍ لاتهده
احذر ترا ماتفعل اليوم له رد
عند السؤال الاجوبه مستعده
اما جوابٍ يفرح القلب ويسد
ولاتلعثم بالجواب اومسده
وماعاد ينفع لو دموعك على الخد
وقت العمل روّح وجاء اليوم جده