دن الدلال وصبلي كيف فنجال
حتى اعدي لي على راس عالي
رجمٍ طويل ولابعد جاه رجال
ياكن ماتلمس بيديك الخيالي
ابشتكي همٍ وغمٍ وغربال
من ماضيات ومقبلات الليالي
وقتن مضى اخير من وقتنا الحال
وكل اولن اخير من هالتوالي
من اولن ترحيبة اقفاي وقبال
اهل الكرم مقربين الدلالي
واليوم صار امواصل الناس جوال
بعد التطور اه ياشيب حالي
الشيخ من يملك دنانير وريال
لو كان مايسوى بقدره نعالي
ابسالك يامن تولعت بالمال
لازال مالك وش بقالك مجالي
لاصرت ماتذكر على مر الاجيال
بطيب مايذكرك جمع الريالي
ماتنذكر الا بطيبك والافعال
ومقابل الطيّب وحشم الرجالي