سلام يا صاحبي من غير عتاب
وإن عدت ليك محتاج جواب
سؤالي لشخصك كان من محبة
وودي جوابك يسوده الصواب
كتبت في دفاتري نهج حياتي
وبنيت سدودي في وش الخراب
ليه الزعل فيك دايما مسيطر
واللهف يشدك وتنعق غراب
بلاش يا صاحبي تفتح محاضر
وتكشف غباوتك وسط الهضاب
الكلمة الحلوة في البق سكر
تشربها بلذة كيف الشراب
والوحشه تبقى في الحلق علقم
تهدي قصورك وتعيش في ضباب
رطب في لفظك وحجم لسانك
ناس قتلها الغرور وخدها السراب
وافتكر الود مش ممكن يدوم
وياما الأرض حوت تحت التراب
أوعى تفتكر إني بقولي بدمك
خايف نصحي ليك يمر سراب
ليه تقتل الخير وتحرق في وشه
وتسد الطريق وتنام جو الجراب
ما تعصي ربك
ولاتنسى الصواب