ان كنت ماتدري واذا كنت تدري
لابد ماتدري الا ماالزمن دار
ان طعتني لك احترامي وشكري
الله عطاك العقل بالفكر تختار
لاتقول انا من ماضي الوقت بدري
وعندي تجاريبي على كل الاعمار
ماينفعك لو قلت يازين شعري
ناسٍ لهم تقييم وعيون وافكار
ترا الزمان ايدور والعمر يجري
ويظهر عليك ابتالي الوقت شعار
وتصغر الا ماتقول مافاد كبري
وتكبر اليا من شلت للغير مقدار
خذها نصيحه كان لنصح تشري
يالشاعر المشهور من قبل تحتار
لازانت اخلاقك مع الشعر يثري
وان شانت اخلاقك ترا الشعر ماثار
واحد مع الثاني يكمل ويسري
ون غابت اخلاقك عن الشعر ينهار
سدد وقارب بين عصرك وعصري
وخل التواضع والحيا سر وجهار