الموت حق اوكل نفسٍ له اتسير
ان كنت ماتدري واذا كنت داري
خله ابالك لو تطول المشاوير
لاتغفل اعيونك وفكرك حذاري
احسب احسابه ماتفيد المعاذير
لابد ماتسلك طريقه اجباري
وش مكسبك بعده وكثر المخاسير
زوّد رصيدك وافتح احساب جاري
تجارة الدنيا ترا مابها خير
والاخره مكسب اذا كنت شاري
ترا الولد والمال يرجع ابتقصير
ويبقى العمل مع رحلة الموت ساري
ان زان زنت وجاك علمك ابتقرير
وان شان ماتنفعك هل العباري
تغانم الفرصه ترا عمرك اقصير
ومادام لك بالوقت درب اختياري
اشوف انا للموت صفّو طوابير
وانا انتظر دوري وطبعة قراري
يالله ياللي لك جميع التدابير
تختم حياتي بالرضى في مساري