ياهجوسي جيب ماعندك من ابيات القصيد
ون طلبتك درة الابيات قلّي شدها
شلت روحي بين كفيني وهقواتي بعيد
نظرتي فوق النجوم ولو بغيت امدها
ان حييت احيا عزيزٍ ون توفاني شهيد
واليهود اللي غصب ارضي بدينا ردها
مايقصون الحديد الا من اصناف الحديد
واليهود اللي تقاوى لاجتمعنا قدها
حاصرونا في بحرنا مابنا رجلٍ رشيد
جوعو اطفال غزه مابنا من صدها
فرقو كلمت عربنا وشبكو بالرجل قيد
وشرذمت صهيون صارت للبيوت اتهدها
يكفي الامه مذله بالتعهد والوعيد
وحتلال المسجد الاقصى سنين انعدها
لاسلامٍ مع يهودٍ بالجرايم والجحيد
والحراسه من عربنا والجنود ابحدها
ويلكم يالي غديتو لليهوديه عبيد
مارحمتو طفلتن تجري الدموع ابخدها
كلنا نشاهد مسلسل رعب لحداثه نعيد
والجرايم لو نشاهدها مابيح سدها
العجم ثارو عليهم والعرب نومٍ سعيد
اصح من نوم العوافي وصّلت مشتدها
هب ياجيش العروبه وقتطع راس العنيد
وقطع ايدين العماله لليهودي بدها
ول ياخاين بلدنا ول يالراس البليد
لاتوطاء في ثراها ولاتصير ابكبدها
من يخون الارض خان العرض هذا بلاكيد
جيبو ارقاب الشراذم بالسيوف انقدها