سجيت انا في تالي الليل سجه
من كثر هوجاسي مشى بالقدم داج
امشي ولاني عارفٍ وين اوجه
يالله عسى لي تالي الوقت مخراج
فكرة في غوغا زماني ولجه
وفكرة في ديني وشفته لي سراج
اشوف ناسٍ لرديله توجّه
واشوف ناسٍ للوفى تلبس التاج
بعض البشر يمشي ورا كل عجه
كيفه على التقليد لو كان محتاج
وبعض البشربالدين كيفه ونهجه
مايهجر القرأن في وسط الادراج
جنّب سواد القلب ياصاح نجه
ومهما كسبت ابدنيتك تصبح الداج
اللي عرف ملح البحر مايمجه
حتى ولو هو صافيٍٍ ملحه اوجاج
بابٍ يجي منه الشقا لاتهجه
خله مسكر لايجي منه الاحراج
هذي نصيحه والنصيحه محجه
اما تصيب او تركي القلب بالصاج
والطلقه اللي ماتصيبه ترجه
لو ماتصيبه سببت رعب وازعاج
قول الحقايق للخلايق نزجه
وكلٍ على فكرة طريقه ومنهاج