ياهلا يامرحبا ياكامل الاوصافي
حاجتي ماعاد ابيها وحاجتك مقضيّه
دام جيتي لاعتب عندي على ماطافي
والكلام اللي بقوله نسته هالجيّه
فرحتي في شوف زولك ياحبيبي كافي
يوم اشوفك راحت احزاني وكل مافيّه
دامك الوافي على وصلي تراي الوافي
باتناسى سيتك فيه وحطه ليّه
حيث شوفك يانظر عيني دواي الشافي
ماهي الخمسين الا ميةٍ بالميّه
دونك اتحمل غثى دنياك فوق اكتافي
ولاوصلتيني ركوبه لاصلك رجليّه
قلبي اللي في هواك وغير زولك عافي
ناقش اسمك وسط قلبي من طرف جنبيّه
في حظورك نوري اللي في زمانه طافي
انورت من بعد ماكانت سنه مطفيّه
يالله اني طالبك طلبت ضعيفٍ خافي
يااله الكون بيده والسماء مطويّه
يامجيبٍ دعوت المضطر والمتعافي
لاتغير واقعٍ صرت المسه بيديّه