لاتحسبني يوم اناديك محتاج
لاوالذي قدر هبوب العجاجي
ولا والذي سيّر مراكيب الامواج
ماني لغير الله من الناس راجي
نقضي حوايجنا بلا شخصك الداج
نشرب قراح ولاشربنا الهماجي
لو الدواء بيدك وعندك لي اعلاج
افضل اموت ولارجيت العلاجي
نفسي عزيزه ماتحب التولاج
ولاغير ربي يمه الراس عاجي
سكرت من دونك مع القفل مزلاج
مالي ومال اهل الهروج العواجي
الكل منا له طريقه ومنهاج
ترا الطريق اثنين به درب ناجي
وامنع قدم رجلي عن الدرب لاداج
واقول يارجل الشقى عن احراجي
ومن دون ماتحرّج ولاتسبب احراج
رح في طريقك لاتعكر مزاجي
ابعد وخل السالفه وسط الادراج
خلك سريعٍ مثل فرخ الزراجي