آخر ريالٍ من الراتب يوادعني
يقول في صحبتك ما عاد لي نيّه
قبل سبوعين جيبك دوب ياسعني
واليوم قدني وحيد بدار مخليّه
وقلت يا ظالم اسكت لا تقاطعني
ما قد ملا جيبي إلا أوراق رسميه
مانته بخافضني ولا انته برافعني
اقعد بجيبي خشير أوراق مطويه
حاولت لكن عيا ما يطاوعني
وقلت لا علّها روحه بلا جيّه
يقول بأقرب محل أرجوك تدفعني
حتى ولو طحت بيدين الحرامية
قلت اذلف ودل دربك كان تسمعني
ما عاد لك فالحشا رافه وحنيّه
باصبر على روحتك ما دمت بايعني
يغنيني الله عن شوفتك بيديه
غادر وفارق بعيد ولا تراجعني
الله يبدلك في جيبي خمس ميّه