الفن أيلا ما غنى ينفع
ولفن نفعو يعود علينا
شوف وتأمل و سمع
الحان طايرة بينا
لوحات للادواق تصنع
وتربي حس الجمال فينا
تمثال من صخر وطين او شمع
معمول بالخصوص للزينة
إنما الكلمة بالأخص تطبع
حياتنا بها فرحنا وغنينا
تعبرعلبطن إيلا يشبع
وتعبرعلى اللحظة لحزينة
وإيلا العين تشرق ولاتدمع
نعبر بلكلمة الكلمة الحنينة
وللاحسن بلكلمة ندفع
وبلكلمة فرحنا وبكينا
وبلكلمة الايمان بالله ينفع
وبلكلمة يموتنا ويحيينا
وبلكلمة سي عبد الرحمان بدع
وعمر دارو ودارنا علينا
الكلمة حد سيف قطع
وبالكلمة شيدنا وبنينا
الكلمة كف للباطل يدفع
وبلكلمة حبينا و بغينا
ماشي اي كلمة تنفع
لي ينفع الكلمة الزينة
شحال من كلمة تخدع
وتخلط الدنيا عجينة
شحال من مول كلمة يتباع
ولعنا كنسو وخزينا
الكلمة لي بلمحبة تجمع
ما شي لي تكبر لغبينا
يا ريت ايام الفن الراقي ترجع
نصفقو لها بقلوبنا قبل يدينا
عقول توعى واودان تسمع
نطلبو الله يرد للخير بينا