عجبي مني ومن انايا
وأنا أنا ولا وجه وخلاص فمرايا
شكون مقلوب فينا
انا ولا صورتي
او مقلوبة الغاية والبداية
شكون خصو يتسقم
الطير الطاير للغصن
او لغصن لي طاير للسما لواية
وشكون اللاصق فلاخور الارض او البناية
ميات سؤال من شكون وسؤال
وجوابات بلا نهاية
شكون السابق من اللاحق
شكون ا لحقيقة وشكون ا لخيال
شكون المسبوق وشكون السابق
البداية ولا النهاية
مهما سولت ما لقيت صدق صافي
حتى فلمرايا والزاج لي قالوا عليه صادق
مهما كذبت على الناس مهما الكذوب خافي
مهما نغش ونتلون ونافق
ماشي علي يمشي لكذوب
لي يمشي على سوايا