اكثر من البوح .. واللي مابعد قلته
شكرا لقلبك ، لهالليل ، لتعاليلك!
في عالمك شخص يشبهني ولا طلته
لولاه ماطالني في وحدتي ليلك
يااعذب الناس وارحب ما تخيلته
بالي سماك ، وصباحاته مراسيلك
لو احتملتي سكوتي ، كان طولّته
مشتاقك اكثر من اني اقدر احكي لك
في داخلي شاعرٍ مرهقته اسئلته
كلي لدربه ، لغرباته ، وكلي لك!
من وين ما رحت في منفاه قابلته
وكم جاد لي بالظما لولا شهاليلك
ولو كنت تعبان جدا من معاملته
يشفع له انه معي يهواك ويخيلك!
الشاعر اللي تحبينه ، وانا اشغلته
فيك وتمادت على اوراقه مواصيلك
اكثر من الصمت واللي قلتي وقلته
شكرا لقلبه ، لغرباته ، لحبي لك!