ياسيد ساداتي ويا ضيّ كوني
يااللي عليك من الحلا والبها تاج
اليا فقدّتك يوم فزة ظنوني
كما يفز الجم من عد هداج
الاّ انت ياكل الغلا ماتهوني
ي اغلامن الالماس واثمن من العاج
عليك سجات الفكر ياخذوني
وتخاوي الهوجاس في كل منهاج
سوالفك هملول غر المزوني
اليا انهمر من صادق النو ثجاج
ضحكك وهرجك من سبايب فتوني
تلبّس هروجك حريرٍ وديباج
وانا اتحاشى هرج عالٍ ودوني
واجنّبك واجنب النفس الاحراج
عنك اصرف النظرات لا يلمحوني
ناس فكرهم حاد بالحيل وانعاج
طبعي م ابوح لزمرةٍ مايبوني
خيفة ملامة لايم وهرج هراج
وش لي بناس ماتبى الاّ طعوني
وش امحق من الي فمه فيه كرباج
مير انت اب اشرح لك ملامح جنوني
واعطيك سرٍّ خلف قفل ومزلاج
تصدّق اليا تعبّتني عيوني
لاادوّر مداوي ولا ادوّر علاج
استدعي اطيافك بسرعة يجوني
من ساع تلفيني وعيني مايحتاج