ياعسى نو السحاب اللي غزير خياله
يسقي ديارنربى فيها الكرم مع قومي
انولد في بيت جدّي مع كبير عياله
وصار حتى الزاد والما بينهم مقسومي
ارتدى ثوبه وسار بغترته وعقاله
لين صار اسمه على وجه الزمن مرسومي
ياهل المعروف عنّي بلّغوه رساله
والله اني دون عمي ماتبور عزومي
الكرم متربّي فيمينه ومنزاله
عمّي اللي فالشدايد يوجد المعدومي
ماخذن جود وكرم نص الرجال لحاله
مثل صقرنفوق هامات السحاب يحومي
والله انّي يوم افكّر فالكرم ورجاله
حاتم الطائي وعمّي مشعل المنجومي
اعرف ان الجود هذا نبعه ومنهاله
وان عمّي نجم ساطع والرجال نجومي
ياكريم الوجه سخرني لرد افعاله
يشهد الله م اتكاثر لو ابيع اهدومي