راجعت صفحة هوانا مالقيت الاّ
ابياتي اللي بعطر الورد كاتبها
وانته على هامش الاوراق تتسلى
ترسم قلوب وسهم الحب صايبها
يانفحة الورد والريحان والفلا
ذكراك تلفي على النفس وترتبها
لبيه لو كنت تتبغدد وتتغلا
انا كذا اعشق نجوم الليل وارغبها
واهوى بروق السحاب وجاهزن هلا
والغيمة اللي همت وارخت ذوايبها
واطرب لروض زهاه النور والطلا
وارض خيالية امشي في مناكبها
وان قلتلي حب غيري قلت لك كلا
ياجوهرة روحي وغاية مطالبها
صحيح ياصاحبي عهد الجهل ولا
صرت اجبرالنفس واردعهاواحاسبها
الاّ قضية غرامك مالهاحلا
فاسمى مطالبي وفااعلى مراتبها