نبتدي من قهوة زحمه
نص عمري كان عليها
ولا أكله ولا لعبه
نمت مره ونفسي فيها
لو حكينا نبتدي من دوختي بيها
من حياتنا
م المرار اللي ماليها
بالهداية
بدعي مره واحده ليا وألف مره بدعي ليها
نبتدي منين المعادلة
من مغفل فكر إن الدنيا عادله
فكر انه يوم هيجمع كل أطراف المعادلة
وان حزنه وان فقره
يوم هيرحل بالمقايضة والمبادلة
واللي ماصص دمي فيها
واللي مانع فيها ضحكه
أو نافيها
يوم هيستر ليا جسمي
أو هيهدي لينا بدله
بعد هري ياما قالوا عليه مجادله
اتضح فشل المعادلة
وان ناتج التفاعل كان سراب
وان حقي
لسه مدفون ف التراب
وان حتى الرؤية
صارت
صعبه يغشاها الضباب