وشاهد علينا زماننا وشاف
بادلتك بحبي مشاعر عجاف
ورغم الجفاف
ال شوفته ف مشاعرك
ف لسه بحافظ عليها وبخاف
خيانتك وقسوة مشاعرك معايا
وغدرك أخذته لنفسك هوايه
حكايتك معايا
مسلسل سخيف
شاركتك بدايته.. وأيه النهايه
كلامك خناجر.. وصمتك بارود
بتدبح مشاعري بصمت وبرود
بتدفن فؤادي
وتمنع هواه
وترجع تزين ضريحه بورود
يا خاين بطبعك وأمرك عجيب
مشاعري وظني لا يمكن يخيب
ورغم المشاعر
وكل الظنون
هويتك لأن الهوى كان نصيب
بحبك.. لأن الهوى مش بأيدي
ودايما بتغلط واسامحك ياسيدي
بسامحك لأني
ف حبك أسير
ودائك وسمك بيسري ف وريدي