ياللي موافق فينك فينك
ناكر نفسك حاني جبينك
راح فين صوتك مش سامعينك
واخد جنب ومش شايفينك
أصل الموقف. بيني وبينك
حارق دمك كاسر عينك
ظبط نفسك بطبق فول
وأبعت رنه على المحمول
يمكن تلقى جواب معقول
قولتوا بلدنا هتبقى مجاعه
قومتوا عملتم ثوره في ساعه
والأعلام. كان الولاعه
أنزل روج أي أشاعه
قولتوا جماعه يا ناس خربوها
كل أصول الدوله باعوها
حتى البطه ياناس نهبوها
تسلم ايد اللي بيحمينا
اللي بناره سنين يكوينا
اللي سلاحه يطبطب فينا
فين الرقه فين الحنيه
جرب وافتح فالحنفيه
تلقى كيماوي بدل الميه
رد بوهم ومالي خيالك
بكره الخير هيشق كنالك
يظبط حالك ويزيد مالك
وان ملحقتش يابني الخير...
بكره أكيد هتشوفوا عيالك
أنت مصدق؟؟ تبقى عبيط
أرقص. هيص. يلا وزييط
وأتنطط بغناك تنطيط
بشرة خير..
أن الحق ياصاحبي أسير
بشرة خير..
ان الباطل يبقى أمير
بشرة خير..
أن الشعب هيبقى حمير
أن الراكب بقى مركوب
أن الحال. يصبح مقلوب
ثوره وأخدت بالمركوب
هز في وسطك عالمزيكا
على أنغام نهوند وسيكا
سابوا مبارك مسكوا تريكه
دا احنا غلبنا يا واد امريكا
ياللي موافق. فينك فينك
ناكر نفسك حاني جبينك
راح فين صوتك مش سامعينك
واخد جنب ومش شايفينك
أصل الموقف بيني وبينك
حارق دمك كاسر عينك
بس كفايه أوعى تطبطب
أصل قفايا أستكفى وشطب
اصل عنيك معصوبه وعاميه
هعمل ثوره مبادئ ساميه
ليها مطالب جامده وحاميه
فخدة ضاني..وحلة باميه