أنا مش مجنون..
أنا مش واحد خمسة المية
ولا عايش في الدنيا ضحية
أنا عقلي سليم ميه الميه
والقلب أكيد كان قلب حنون
أنا مش مجنون
أنا مش مجنون
كفاياكوا ظنون
أنا بس بأشوف أيه المكنون
ف قلوب غشاشة وخداعة
بكل براعة
من نظرة عين بأقدر أعرف
مين اللي تربي على الإخلاص
مين اللي هيجي اليوم ويخون
أنا مش مجنون
أنا مش مجنون
أنا نفس جميله وشفافه
مش عايش ف الدنيا هيافة
أنا عمري ما حسيت بإعاقة
ويجيلك واحد بصفاقه
ويقول لي يا عيني عليك مجنون
أنا مش مجنون..
أنا واحد.. بس ب 100 مليون