خطوتين لبكره

خطوتين لبكره

ولادى مايبطلوش أسئلة

غرقت فى مشاكلهم وقلت مش مشكلة

تحيرنى طلباتهم وقول مش مشكلة

سألونى فى عز مشاكلى حبة أسئلة

بعد ماسمعوا الأخبار والعاشرة مساءً

عن الحرب والتوأمه

عن الظلم والعولمة

ماتبطلش ترس العمل

ومد خطوة للأمل

مد خطوتين لبكره

ماتسيبش روحك ترجع ل ورا

مد بكل خطاك للحياة

وأركب صهوة حلمك عيش

ماتفوتش دقيقة من غير ماتحب

أتشد لقرص الشمس وقب لفوق

بس بالهداوة وبأمانه وكلك زوق

لا تدلس ولا توالس.. ولاترتشى ولاتخون

ليه تخلى غيرك حد يدلك ع العنوان

وأنت فى خطوتك طريق وسكة للأمان

تشرب ليه من بحر الغرب المالح؟

وأنت فى نهر عروبتك أعظم إنسان

وكل الديانات على أرضك..

فَتَحت للإنسانية المعنى للحياة

البشر اتخلق وحط بأول خطاه

من أول آدم.. يعقوب ويوسف وصالح

الماضى عندك وملكك والحاضرخطير

م تنتظرش نعيم حد وعيش على خيرك

الإيد على إيد تساعد متكشفش سر بيرك

وتفتح صدرك بالقوى وحدد مصيرك