الظلم شاف الحق يوم راجع
قاله يا ويلك.. من زمان منكوب
الظلم فيه دايما يكون راكب
والحق فيه دايما يكون مركوب
فيه الشرف
والدم بقى سلعه
فيه الغضب
حطبه لنار والعه
وكل شىئ يتباع واللي أشترى يوزن
زمن الميزان
بس الميزان مقلوب
فيه الشيطان واقف.. وبيشاهد
صبح الشيطان
عاطل وليه مندوب
الظلم شاف الحق يوم راجع
قاله يا ويلك.. من زمان منكوب
إياك تكون عشمان تفوقهم
اللي مايعرف رب.. يوم هيتوب؟
صبح البشر مولود ملهش ودان
لاحد ليه كبر.. ولا أدنوله أدان
يا أرض فيكي العدل كان طوبه
والظلم.. كان مقياسه بالفدان