سود العيون أو ذا عقيق ن يماني
بثلج المحاجر في شتاء ليل الأهداب
قد سلهمت لي ثم فقدت اتزاني
وأنا الرزين اللي عن الحب قد تاب
وكنها عثاقيل من الزعفراني
جديلة ن كن الشفق وسطها ذاب
وان ما لمست أطرافها ما هناني
زاد ن ولا ماء نافحة سحر الأطياب
ولبيه يا ذا البارق اللي شعاني
نبته مواعيد وغثى سيله أعتاب
يشعق معى البرقع ليالي زماني
واخيّله واذبّله كل مرقاب
وانعت هلي ما ذا المكام بمكاني
شدو بنا يا مال قطاع الأطناب
ويا نود هبيني تجنن جناني
وهاتي من أطلاله ولو عج وتراب
وباخذ زمانين ولا انفض اثباني
وأعيش من باقي الاناودي هياب
وانا من اللي في جهنم رماني
والماء قريب وجمر شفتك لهاب
غر السحايب قطرها ما شفاني
ما يشفى الا رشف عذبات الأنياب
خايف على اسمك يا فقيدة لساني
لا ينبهبه من بين الأضلاع نهاب
وافرح الى الطارش بعلمك لفاني
فرحة صويبن نوخت عنده ركاب
قد أيس وقال آخر العمر فاني
وقد حافه الذيب وحجل عنده غراب
ومروه هل هجن دقاق المثاني
تداركوه خلاف ربعه والأجناب
والله جعل له عقب ضيق انفهاني
وترادفوه اللي خفيفين الأسلاب