طاوعك قلبك؟!
يالله بخطرك
بعد دا كله؟
وبعد هوانا ما لامس
ظلُه؟!
اللى عملته
لا كان ع البال
ولا كان يخطر
قشة بتقسم ظهرى
وتهجر؟!!!
طاوعك قلبك؟
يالله بخطرك
مش كان أحسن
لو نتصارح؟
دأنت يادوبك
كنت معايا لسه
إمبارح؟!!!
جاى دلوقت بحجة تقولى
وداع
أنا رايح؟!!
طاوعك قلبك؟
يالله
بخطرك
كان لازم أفهم
إنت هوائى
وطبعك غالب
شىء عادى
فى الخلق تجرح
شىء عادى
تمدح وتعايب
اهوج
ولا شاعر بعمايلك
وأنا محظوظة
وحأسلم منك
يالله
بخطرك