بَاقِى شِي حَدّْ يْشُوفْ الْوَرْدْ بَلْوَانُو
وََّ الزّْهَرْ مَلّي يْفَتَّحْ وَيْفُوحْ
وَْ يَسْمَعْ الطِّيرْ لَمْغَرّدْ فَغْصَانُو
وََ حَدّْ بَمْجِي الرّْبِيعْ يَفْرَحْ
شُوفْ الصّْبَاحْ بَنْوَارُو شْرَقْ
يْلاَطَفْ الِّليلْ بَنْسِيمْ عْلِيلْ
وَالْمَا صَافِي مَنْ عْيُونُو تْدَفَّقْ
يْغَازَلْ نُوَّارْ لَجْدَاوَلْ لَجْمِيلْ
شَاكُوكِي وْيَاسْمِينْ وَحْبَقْ
يْفِيّْقُوالنَّايْمِينْ بْمَسْكْ الِّليلْ
وَالطِّيرْ يْوَقَّظْ النَّايَمْ يْفِيقْ
يْقُولْ يَافَتَّاحْ وَيْحَلّْ كْتَابُو
وَالنّْسِيمْ يْوَنّسْ لِّي قَابَضْ الطّْرِيقْ
يَرْجَعْ بْخِيرُو وَخْمِيرُو لَحْبَابُو