لي ولا لو حبيبو
اش يدير بغيرو
بعد الهجرة رجع لو يبرد لشواق
لي غايبين عليهوم لحباب كي يديرو
اش اتفيد التنهيدة الخارجة من لعماق
كنت مشيت وانا نقاسي ونلالي
ضنيتو حال من دوام لحوال
غير سيدي ربي لي عالم بحالي
وهل هلال سعدي بكمال لهلال
كيف نوصف نظرة يعرفوها العشاق
رجع لي لمحبوب زاهي بلوان
غنمنا سلوان مع غصين لبان
جا بخضورة باهية بخد بلعمان
والورد والزهر يعطرو لمكان
بين جداول مياه وطير من بكري فاق
اجيو نغنمو ساعة بنسيم يروق
ساعة لفجر بين حراج وعند الشروق
يصفى لمزاج والسوسان شق الطوق
فصل الربيع هذا وقتو يا صاح مسروق
يجي ودغيا يودع ويدعي بلفراق