حْلَفْ وَحْلُوفَكْ صَادَقْ
بَلَجْوَاهَرْ سَايَلْ مَاهْ دَافَقْ
كْلاَمْ عَاشَقْ تْرَابْ بْلاَدِي وَاتَقْ
تْمَلَّى صْنِيعْ الْخَلاَّقْ لَبْدِيعْ
مَنْ رْيُوسْ لَجْبَالْ سَايَلْ
سْوَاقِي تْعَانَقْ سْوَاقِي
حَتَّى تْوَلِّي وَادْ كَامَلْ
سُبْحَانْ مَنْ يْفَرّقْ وَيْلاَقِي
أُمّْ يَتَّوْلَدْ مَنْ رْحِيمْهَا الرّْبِيعْ
مَبْرُوكْ الرّْبِيعْ يَا امّْ الرّْبِيعْ
بِينْ حْضَانَكْ فَرْجَة وَنْزَاهَة
هَا الْعَارْ مَهَّلْ تْكُونْ سْرِيعْ
خَلِّي لَعْيُونْ تْجُودْ بْمَاهَا
خَلِّي مُوجَكْ لْطِيفْ وْدِيعْ
مُوجَة تْعَانَقْ مُوجَاتْ حْدَاهَا
مَا لَسّْبِيلْ مَاشِي لَلْبِيعْ