داز العام امحبوبي وهذا عام
وباقي الحب لي بيناتنا هدرة وكلام
واش الغرام لي جمعنا حقيقة عشناها
ولا مجرد احلام بنيناها باوهام
مننكرش بلي جمعنا ميول
وتطور مع ليام لاجمل احساس
كنت نقول حتى زين ماهو مكمول
وكل عشرة لازمها قاعدةولساس
الوقت صعيب فاتح فمو غول
يبلع كل غافل ماشايف فالدنيا باس
يام قلت لك نكون لك عوين
ما تدور عليك دوايرزمان
وفجنبك تلقاني فكل حين
نلفك حب وعطف وحنان
ما طالبا منك غير تكون حنين
وبين حضانك نحس الدفء والامان
يعني نتوكلوعلى الله ونزعمو
ونطيحوونوضو حتى يزيان الحال
قرينا وتعلمنا وباقي غير نخدمو
هذا حال ودوام الحال لا شك محال
يا ريت كل الشباب يوعاو ويفهمو
بلي الزمان متقلب حال واحوال