غيوم الصباح اللي مع النور صحتّني
وهي كنّها ترسم فساتين للسهره
على حين لهفه ديمّت لين ورتّني
بعض صدقك الغالي، مطر قلبك ونهره
تروّش تحت هتانها القلب ، واسقتني
عذوبة وصالك ، والظما طاح من قهره
ومثلك خذتني ، حررت روحي ، ودتّني
لعالم وجودك ، نادر الوصف من طهره
طهارة سحابٍ بالسماء ناوشه متني
وانا كنت احاول انقش اسمك على ظهره
ولا كل غيمه ما تشابهك همتَّني
وش الورد، لو ما كان بوحك عطر زهره؟
وش النور، لولا نور شمسك الى جتني
و منها جميع الغيد بإعجاب منقهره؟
مثل هالغيوم اللي بقت عقب طافتني
ما دامك لهن سيره ، مع الورد مشتهره