اطلع من الضيق .. والفندق .. ولقطة ندم
والناس .. عجَّة أغانيهم .. وشبه الكلام
للشارع الواسع .. اللي ممتلي من عدم
ثلثينه اشياء مثل حزني .. وثلثه ظلام
وتململ القلب .. واحتاج البكا ..وأحتدم
وانا ادري انه تهيَّا للشجن والهيام
لو سايق التاكسي .. اللي شوي وإلا صدم
روحي .. قبل لا ترتب لك حديث الغمام
قال : انت مجنون ؟ قلت: الياس زلة قدم
خذني لصوب البحر .. محتاج لحظة سلام
وما قلت ليتك تشوف الحلم ، كيف انهدم
لوَّذت حزني .. وجاريته بشبه الكلام