ما تمادت من وراء المستحيل الا دنت

ما تمادت من وراء المستحيل .. الاَّ دَنَتْ

ما دنت، الاَّ اشرقت شمسها، الاَّ تغالت

كنها يوم انها صوب ظاميها عَنَتْ

كلها لا نفس طالت ، ولا عين استخالت

في عطر فاتك بفتنه وفطنه امْعَنَت

في مطر هاتك لعمر العطش كله توالت

وفتنت من حَّد قلبي لعقلي ، وفْتَنَتْ ..

كل ما مرّت وسرّت من اعماقي وطالت

وش نوَتْ في مجدبات المدينة .. وش جَنَتْ

من سعت، او شعشعت، ذعذعت يمي، وحالت

والمخاسير إغتنت ، والمحاذير اذْعَنَتْ

من هجوسي ، والمداوير للصافي تدالت

صافي اللي باعذب اعذب عذوبه برهنت

إنها نهرٍ بشكل آدمي بالحب سالت

وهذي هي ، من ترتدي زّي ضّي وزينّت

دربها يمي ، وخلّت سجين الروح فالت

مابدت الاَّ ادهشت .. كلها لها اعلنت

وإن مشت ينسب لها العشب الى حطَّت وشالت

يستقيم الشوق في كل عرق الى انثنت

ينثني جبل صبر لإستقامت عقب مالت

دلّت اللي ما تدلِّه جهاته، ومْكَنَت

شاعرٍ وإن شافها في مدى حلم استحالت

تبني اللي منهدم به .. ويشرق مابَنَت

وفي انامل كّف نسمه لحرمانه ازالت

نَوْرِسَتْ ، إم الرفيف الشفيف، وسوسَنَتْ

وصْعدت حتى ابعد الروح واعلاها، ونالت

قلت : احبك، وإلتفت لي ضياها، وفْطنت

وامطرت لمسه عقب دَوْزَنتْ همسه، وقالت: