فارقك من غايته في سما الفكرة
للقلوب اللي مع الحلم طواحة
بالشقا عن هالبقا لي فكر مُكرَه
وكل ما دون الضيا يرخص الراحة
دام صقر البوح ما طار عن وكره
ما اهتنيت من المدى لو غدى واحة
لي أمل في ممطر الحب من بكره
أو عسى قاع المدى تعصف رياحه
كم نزفت من الشعر وانتشر ذكره
ما نفع قلبي ولا جرحه ارتاحه
ما هو للي ضرني مدحه وشكره
دام قبر الورد في كف مداحه
من احب ومن اصادق ومن اكره
استوت عندي من الزيف هالساحة