حاسس

حاسس

بعينى بتكسر مدد الشوف

وانى بجد قادر اشوف

حاسس بشمس جديدة

غيرت طعم الحروف

اللى عاشت جوايا مخضوضة

وطول عمرها كان وشها مخطوف

حاسس بنفسى ف الكلام مرتاح

وصوتى خارج حر

من غير خوف

ولا ول مرة قلبى يسالنى

هو الهوا اتغير

ولا الحدوتة اية

الدم ف عروقى بيقول نكت

وانا كتر الضحك

مش قادر علية

حتى الاجدية

بتعلن بكل آدمية

عن حروف تم تجديدها

وحروف تم تقيدها

عن منتجها الجديد

اللى اسمة... حرية