تركوا هالوطن يوعا من ضياعه
ما عاد يحمل... هالوطن مسكين
شردتوا أهله... وفرقتوا ضياعه
حرقتوا الأرزة صار العلم حزين
زرعتوا الفتنة وحقد بين طيافه
وتحت شعار الطائفية متخبيين
وبكل بيت راية ومعلق بجدرانه
صورة زعيم بينكسر فيها اليمبن
صار الهم يعيش الحزب وشبابه
بعمر الورد تموت وعيال ميتمين
وكل مرة يدفع التمن وحق ترابه
ناس بسيطة يلي بالفقر مبتليين
ما ضل فيه حجر واقف عا حاله
وعا رقبة كل واحد ألف سكين
وشو بقي من الأمل غير وجاعه
حلم عم يوقع متل ورق تشرين