لا صار ما للهَرْج مضمونٍ على السامع مفيد
اصمت وخلّ أهل الهروج الزايدة تهذيبها
بعض البشر لو كان فمّه فيه قفلٍ من حديد
الهَرْجة العوجا على آذان البشر ينحيبها
والبعض يرمي كلمته بالسخف والمعنى البليد
ذاك لا حكمة يسرحها ولا هو يضويبها
حكي اللسان يبين الخافي وما يحوي الرصيد
يا للحسافة يا رجالٍ ما تكرم شيبها
احرص على الطيب ومن طيبه تفيد وتستفيد
واحذر من اللي يكسب الشرهة ولا يدري بها
شمس الحقيقة لا شرقت من نورها ذاب الجليد
واللي حفر حفرة خديعة بشره يطميبها
من شاروا الجاهل جهل ما جاب له رأي رشيد
والبندق العوجا مع الرامي يناتش عيبها