غبتي ما خبرتي
ما فكرتي فسلامة
وخديتي طريقك ومشيتي
وتقول مسافر فحلامة
عمرك ما تدمرتي ما شكيتي
كنتي ديما بين قرانك علامة
اصاحبي الدمعة جمدت فالعين
شحال زاوكت وتمنيت فيك الشوف
داتك الدنيا وتشغلتي فالحين
طول عمرك امرك مخطوف
اخر كلامنا قلت لك انت فين
قلتي لي تفكرني وتشوف
واعدوني يوم تجي نلقاك
سبق الحق الواعد والموعود
اختاريتي اصحيبي مولاك
واختارك تكون بجوارو موجود
عيت نتلف ولقيت فلكلمة لفكاك
ولقيت الرحمة وخدها تتعدى لحدود