نَبْغِيكْ وْنَبْغِي لِّي وَلْدُوكْ
يْعَمَّرْهَا بْلاَدْ مَعْرِفَةْ فِيسْ بُوكْ
بْلاَ مَا نْسَمِّيكْ وْلاَ نْكَنّيكْ
كِيفْ هَدِّيتِينِي اللهْ يْجِيبْ لِّي يْهَدُّوكْ
بْغِيتْ سْمِيَّة
مَا عْرَفْتْ مْنِينْ جَبْتِيهَا
وْيَمْكَنْ كْنِيَّة
وْتَصْوِيرَة مْحَلْقَا عَلِيهَا
مْرَا مْطَرّْقَة وْذْكِيَّة
وْصُورَة لْدَرِّيَا
الصَّرَاحَة أَمْرَكْ مَشْكُوكْ
مْشَكْلَة التّْصَاوَرْ اشْكَالْ وَلْوَانْ
وَلِّي يْخَبْعُوهْ النَّاسْ عَنْدَكْ يْبَانْ
تْقُولْ تَتْشْهَرْ مَعْجُونْ السّْنَانْ
حَتَّى وَجْهَكْ تْقُولْ بِيهْ مَحْكُوكْ
مَا نَدْوِيشْ عَلَى تَعْبِئَةْ دَالتِّلِفُونْ
وَايْلاَ كُنْتِي رَاجَلْ وْدَمَّكْ سْخُونْ
تَتْصِيَّدْ وَيْشَدُّوكْ مْسَلْمِينْ الجّْنُونْ
أَوْ تَحْصَلْ وْتَمْشِي لَلْعْدُولْ مَدْرُوكْ