ياراكبٍ موت الفلا الجرهديه
جمس كم حمر الرقاب المطابيع
ماصنّعه راعي الفروت وخويه
ولاكوسره خبلٍ ردي المراميع
كن فزته لافاهق الترس خيه
قرمن يلبي للقروم البواتيع
وكن حس بلفه هوش شقرا حميه
دون الفلو ماتسمع الشور وتطيع
وليا جميحياته تشع ضيّه
مثل التريك الي يسامر مواجيع
على خشيم كن جضة لويه
جضيض ربدا ناطحه للذعاذيع
واليا ارزمت باذن الولي راعديه
والبرق له في نايض المزن توقيع
كن عكس بديه لاكشحت عقربيه
طلت جبين ملاوع القلب تلويع
حمله معطفت القباض الدويه
خرس المعابر موحشات المصاريع
حملن عليه من السفاتي سريه
يوم ان غيره مايورد منافييع
راعيه قرمٍ من دهاة رويه
حدب السنان وتشري الموت وتبيع
من لابتن عند الوغا ناهسيه
ترعا الخطر من دون عقدان ودريع
يطوي تهاتيه الدروب العصيه
ياناطحن مزموم ياقاطعن ريع
واليا بغا المقيال مامس فيه
قد عسها الي يسبر القاع ويذيع
ولا استاذنت شمس النهار برويه
وعشا ظلام الليل روس المصاليع
كن وسط صدره سربتن بربريه
تمزع بتوت الجوف وصباه تمزيع
ثم هاض شعرٍ ماعلى السامرية
صوّر نشاش وهمّلعت نابت الشيع
موته لامنها ناحت الراعبيه
وقام يتهاتا بالغضي والمرابيع
ابو صفيفات السرا وبرديه
كن اللجان يناقشون المواضيع
ياوجه بدرٍ قاطعاتٍ حليه
ياشبه من عزوبها ناصر قريع
عليك وجد شويبن في ضنيّه
من عقب ماجفت عليه المداميع
ولا وجود الخنفري يوم سيه
موت الفديع ومن بكى موتت فديع
ماني قتيل لاجل ذبحة ونيه
ولاني قتيل في ثرا ماثر وكيع
انا قتيل الشاجن العسوجية
ام العيون الي تفافيقها تضيع
يابدر يضوي الليله الخرمسية
يامطمعن ماشابهته المطاميع
ماجاك علم الي نعته المنيه
ولاسمعتي النايحات المفاريع
حبك شجاع يقسم الصف ميه
ثم طاح ميت في حضا ساع توديع