لايا حادين عيني على الدمع خِف ولين
ترا عاشقك يدّبح من الحزن لازاره
تلوفه مع العبرات هيفية المقفين
وهو في رجا مزنن من الخلّ مدراره
على جال ضوه يشعم الضو لاتطفين
تلاحي له طيوف المقفين في ناره
يغيب الفكر عنه مع سجته ويبين
ويعّود معه ب عبيّرٍ جات منهاره
يُثر البكى صِملان قلبه على كفيين
وهو يصفق اليمنى على كفة ايساره
سبايب غزالن صوّب القلب بالمرتين
لكنّ الثميدي جمرتينٍ وخمّاره
لها خنةٍ تِسكر تواصيفها مابين
رحيق الورود ووصفة جات باعطاره
ابو نايد العتره وابو ناعم الخدين
وابو مبسمٍ ياسِعد من ذُوّق سكاره
وابو جادلن يِسكب على متنها ببزين
تفل الذوايب والدلع زايد عياره
وابو ناحل الميّاس ومخصّر الجمبين
سراجيفه نشاشٍ ماتشكيبه ازراره
على لاحن المنكوس ولا على الادنين
تهزّع كما غصنٍ تمايلبه ثماره
وليا جابرن قافي على دمعه وبيتين
دخيل العيون الملهمه جلة اشعاره
ترفق على قلبن حداه الزمان الشين
على دمعه.. وبيتين ..وصداع ..وزقاره
خبرت العمار الي بنيناه قبل سنين
ربيع الفواد ومسكن القلب ودياره
خذاه الحزن واقفى ولاقلته لاوين
بعد هدة المبنى وتكسيرة أسواره
ياليتك على وضعي بعد روحتك تدرين
وسيع البنايد… ضاقت الكون في داره
مناجيكم الرحمن ياعارفين الدين
هو العاشق المجنون يحتاج كفّاره
ليا هلت العبره مدامييعه الثنيتن
على طاري المعشوق والخل لازاره
فياعاذبي دربك على جرة المقفيين
خفالله وارجعلي ترا الغير بواره
فلاتحدني للشين ومواجه الامرين
ترا عاشقك سكران والنفس امّاره