كبير القدر يامشروه شعرٍ بان فيه عتاب
بعد ماباح مكنون القصيد وفُض خطّاره
انا فيصل ولو فيصل مايطرق للمدارى باب
وقفت بناصية بيتك اعد القول وأعذاره
على الله كان لو تعطي عِلال الهجر والأسباب
وش الي جاعلن شعري بوجهي مقفلن داره
ماضني من قصورٍ في هجوسٍ يسرق الالباب
انا مع مطلع ابياتي يدن البحتري زاره
شمام اقصر من شكوكٍ تخلي صاحبك يرتاب
وش الي مزعلك فكليب يا جلّاسه وناره
فتح بابه وانا اخاطب جنابه واثر معه خطاب
بثلاثٍ قالت بحسره: قصيدك قل قنطاره
تغنيت بغنج عذراء وثغرٍ حالي وجذاب
وساعٍ حادي عيسٍ وساع عاسف مهاره
ولكن وين من النسوه لمثله عاقرة الانجاب
رسولٍ قيل له أقرا بروحٍ زلزلة غاره
يا ابن الاكرمين الي عليك المكرمة جلباب
انا ابن الثابت لجيشٍ عرمرم شانن الغاره
على بيت(ن) وقف لجله ربوعي بالقنا وحراب
وقيل لجدك وردد ( ياخير القوم وانماره)
بعامٍ يسكنه ظلمُ الليال ووحشة السرداب
ونفس الخير ماموره .. ونفس الشر امّاره
بلج فاطهر مكانٍ نور يكسي واهجه الاحقاب
وبدد ظلمت ابطت على الثقلين بانواره
صلاة الله على خير البرية كاسر الاحزاب
شفيع الناس في يومٍ سجوده لله الشاره
ورضا ربي على صحبه ابو بكر وعمر الاواب
وعثمان(ن) وابو طالب علي وصلبه وداره
وخالد سيفٍ نصابه يذود ويضرب الارقاب
وحمزة ضيغم المعبود ابو عامر وابو عماره
وعمرو ومصعب وزيد وبلال وخيرة الاصحاب
وقيس الي فعل يمناه ماتدري بها يساره
هذولا صحبةٍ خُطّت فعايلهم بخير كتاب
من اول مابُعث احمد الين الله اختاره
يشب القاف في وصفه ولايروا ولوهو شاب
ياكيف المدح يبغا له عمر ثاني على اخباره