ياعيون الي تذير من النسيم وتقرح
ربع الله صدري الي من غرامك كنّه
صحصحٍ جاها المزفّى الي قدومه تذرح
لين صارت عقب ماهي قاع قفرٍ،،جنه
مودمين لو يحن من الهوا لايجرح
خده الي فيه حمرة من لهيب الكنه
طوع الي دون قلبه طالبه مايفرح
جل شان الي عطاه المستحيل ومنه
ياعذارا البيض مابه في خفوقي مطرح
غير ياعذراً طهرها السلسبيل وخنه
ريح مسكٍ فاح عطره فالجنان ويسرح
واحدٍ سبحان منهو ماينشّي منه
ياحبيبة من يساوي الشعر قاع رحرح
لين طاع الشعر وارعن من صفاوة فنه
فاخري يا ام العيون الي هدبها يطرح
ولايهمك من عذول ووش علينا منه
فشاعرك ماهو يهيم بوصف شعرٍ يجرح
عفتك جعل اليدين الي نوت تلعنّه
فالوالله انك في ظلالٍ ماتميل وتضرح
في رضا ربٍ عظيم وفي رحاب السنه
فلاتساوم في غرام ولاتقول وتشرح
ادهل الي فيك حبه مايخيب ضنه
وربع الله يلعن الي وده انك تبرح
خافقٍ ماصدق انه عينك فتحنه